ഒരു തീയായി ആളുന്നത്‌
സ്വപ്നം കണ്ട്‌
വിധിഹിതത്തിന്‍റെ
നറുക്കു വീഴുന്നതും
കാത്തിരിക്കുന്നു.
ഒരൊറ്റ ആളലേയുള്ളൂ.
നിലവിളക്കിലെ സൌമ്യതയായോ
അടുപ്പിലെ വേവായോ
പുനര്‍ജനിക്കേണ്ടി വരും.
അടക്കിവച്ച അസഹിഷ്ണുതകളെ
കാട്ടുതീയായോ
പൊട്ടിത്തെറിയായോ
പൊലിപ്പിച്ചെടുക്കാന്‍
എല്ലാ കൊള്ളിക്കും ഭാഗ്യമില്ലല്ലോ.
2008, ജൂലൈ 9, ബുധനാഴ്‌ച
തീപ്പെട്ടിക്കൊള്ളി
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
30 പ്രതികരണങ്ങള്‍:
ഇന്നത്തെ ചിന്തകള്‍...
അക്ഷരങ്ങളെ ഇങ്ങനെ പൊലിപ്പിക്കാനും വേണം ഒരു കഴിവ്..
അല്ലെങ്കില്‍ ഒരു യോഗം
തീപ്പെട്ടിക്കൂടുപോലെ, സ്ഫോടനം ഒളിപ്പിച്ച ഒരു കവിത
പാമൂവേട്ടാ, ആയുഷ്മാന്‍ ഭവ
അതെ..ഇതാണ്‌ തീപിടിച്ച, തീപിടിപ്പിയ്ക്കുന്ന ചിന്ത.
തീപ്പെട്ടിക്കൊള്ളി പോലെ,തീപ്പെട്ടിക്കൊള്ളിയെ പറ്റി
തീപ്പിടിപ്പിച്ച കവിത
പാമുവേട്ടാ കീപ്പിറ്റപ്പൂ.........
തീ പോലെ പൊള്ളുന്ന കവിത.... :)
ഒരു കുഞ്ഞുതീപ്പെട്ടിക്കുള്ളിലെ പൊട്ടിത്തെറിക്കാനുള്ള വെമ്പലിനെ എത്ര മനോഹരമായി ഈ വരികളില്‍ പകര്‍ന്നിരിക്കുന്നു......അസ്സലായി പാമരന്‍ ജീ...ആശംസകള്‍..:)
നല്ല കവിത....നല്ല ചിന്ത.
pamji,.....this is great
പാമര്‍ജീ,
കുറച്ച് വരികള്‍ക്കുള്ളില്‍
ചിന്തകളും കുടുക്കി,
ഒരു തീപ്പെട്ടിക്കൊള്ളിപോലെന്നെ
കത്തിച്ചു കളഞ്ഞല്ലോ..ദുഷ്ടാ.
വിധിഹിതത്തിന്‍റെ
നറുക്കു വീഴുന്നതും
നോക്കിയുള്ള കാത്തിരിപ്പില്‍ ഒരു കൂട്ടാളി കൂടി...!
ആരും ആലോചിക്കാത്ത ഒരു കാര്യം.
ആഹാ! ഞാനാലോചിക്കുവാരുന്നു.
വളരെ മനോഹരമായൊരു കവിത.
ആഭിനന്ദനം.
ഒരു നിമിഷത്തേക്കാണെങ്കിലും ഒരു തിരിയിലോ അടുപ്പിലൊ പകര്‍ന്ന് നല്‍കുന്നത് നന്മയും മറ്റേത് തിന്മയുമാണല്ലൊ :)
"അടക്കിവച്ച അസഹിഷ്ണുതകളെ
കാട്ടുതീയായോ
പൊട്ടിത്തെറിയായോ
പൊലിപ്പിച്ചെടുക്കാന്‍
എല്ലാ കൊള്ളിക്കും ഭാഗ്യമില്ലല്ലോ"
മാഷേ, പോസ്റ്റിഷ്ടമായി.കവിതയിലെ തീ കെടാതിരിക്കട്ടെ.
ശ്ശൊ ന്റെ ക്കൈ പൊള്ളി
എന്തൊരുശിരന്‍ ചിന്തയാ പാമൂജീ.
വെറും തീപ്പെട്ടിക്കൊള്ളികള്‍ ആവുന്ന നാം. ഒരു ആളലില്‍ എരിഞ്ഞു കെട്ടടങ്ങുന്ന നാം.
[നേരെ വാ നേരെ പോ - കൊള്ളാം.]
Where was the 'tipping point'?
ഉഗ്രന്‍ കവിത. ചിന്തിപ്പിച്ചു. :-)
എന്റെ കൈ പൊള്ളീ..ഈ പടം എങ്ങനെ എടുത്തിഷ്ടാ.. കൊള്ളാം നല്ല കവിത ..നല്ല പടം..
ഈ വരികള്‍ എന്നെ വല്ലാതെ ചിന്തിപ്പിക്കുന്നു....
പ്രത്യേകിച്ചും അവസാന നാലു വരികള്‍....
അടക്കിവച്ച അസഹിഷ്ണുതയെ ഒരു പൊട്ടിത്തെറിയായ് പൊലിപ്പിച്ചെടുക്കാന്‍ കഴിയുന്ന ഒരു കൊള്ളിയായ് മാറാന്‍ ഞാനും ഏറെ ആശിക്കുന്നു....
നടക്കില്ലാ എന്നറിയാം....
എന്നാലും ഈ വരികള്‍ വായിച്ചപ്പോള്‍ അങ്ങനെ വെറുതെ ആശിച്ചുപോയി....
സസ്നേഹം,
ശിവ.
നല്ല ചിന്തയില്‍ നിന്നുണ്ടായ നല്ല വരികള്‍.
വളരെ നല്ല ചിന്തയും ,വരികളും പാമൂ,സമ്മതിച്ചിരിക്കുന്നു ഈ ചിന്തകളെ .
ഒരു പുകച്ചുരുളായ് അന്ന്യന്റെ ശ്വാസനാളത്തില്‍ പടരാതെയുമിരിക്കട്ടെ.
തീക്ഷണമായ രചനാ ശൈലിയുടെ മറ്റൊരൂ
ഉദാഹരണം കൂടി
പാമു
തീപ്പെട്ടികൊള്ളീ
പതിയെ ഒരച്ചോളു
കൈപൊള്ളിക്കണ്ട
ഇതില്‍
മനുഷ്യന്റെ ഒരു ജീവിതാവസ്ഥയുടെ ഒരു യഥാര്‍ഥ
ചിത്രമുണ്ട്.
മനോഹരം തന്നെ
പ്രത്യേകിച്ച് അവസാന വരികള്‍
പാമു
ഉദിച്ചു ഉയരുന്നു
നക്ഷത്ര ശോഭയോടെ
ഊതി കെടുത്താതിരിക്കട്ടേ
കാലം ഈ കെടാവിളക്കിനെ
സസേനഹം
പിള്ളേച്ചന്‍
എല്ലാവര്‍ക്കും വളരെ വളരെ നന്ദി.
കാന്താരി, പടം പതിവുപോലെ അടിച്ചുമാറ്റല്‍ തന്നെ. ഞാന്‍ പടം ഇടുമ്പോള്‍ അതു എവിടുന്നാണോ എടുത്തത്‌ അവിടേയ്ക്ക്‌ ലിങ്ക്‌ ചെയ്യാറുണ്ട്‌. പടത്തില്‍ മൌസ്‌ വെച്ചാല്‍ ടൂള്‍ടിപ്പിലും കാണാം.
“അടക്കിവച്ച അസഹിഷ്ണുതകളെ
കാട്ടുതീയായോ
പൊട്ടിത്തെറിയായോ
പൊലിപ്പിച്ചെടുക്കാന്‍
എല്ലാ കൊള്ളിക്കും ഭാഗ്യമില്ലല്ലോ.“
വല്ലാത്ത ഒരു വിഷാദം പറ്റിപ്പിടിച്ചിരിക്കുന്നു ഈ തീപ്പെട്ടിക്കൊള്ളിയില്‍....
അഭിനന്ദനങ്ങള്‍.
ഇതു പൊലിപ്പിച്ചെടുക്കാന്‍ കഴിയാത്ത ഒരുപാട്‌ പേര്‍ക്ക് പൊലിപ്പിച്ചെടുക്കാന്‍ കഴിയുന്ന ഒരാളുടെ സ്നേഹമാണ്‌
നന്നായിട്ടുണ്ട്
ജ്ജ് ഒരു കാട്ടുതീ തന്നെ ന്റെ പാമൂ...
കൊട് കൈ........
അയ്യോ വേണ്ടാ...കൈ പൊള്ളും :) :)
രൊറ്റ ആളലേഎ ഉള്ളു. സൌംയമായോ തീഷ്ണമായോ..
നല്ല വരികൾ
“അടക്കിവച്ച അസഹിഷ്ണുതകളെ
കാട്ടുതീയായോ
പൊട്ടിത്തെറിയായോ
പൊലിപ്പിച്ചെടുക്കാന്‍
എല്ലാ കൊള്ളിക്കും ഭാഗ്യമില്ലല്ലോ.“
അങ്ങനെ ഉണ്ടായല്‍? ദൈവമേ!
ഒരു അഭിപ്രായം പോസ്റ്റ് ചെയ്യൂ